میزانِ ادب Mezan-e-Adab کتاب برائے 11ویں جماعت | انٹرمیڈیٹ اردو لازمی

عالم اسلام کے معتبر علماء میں سید سلیمان ندوی کا نام بھی شامل ہے۔ ان کی علمی و ادبی خدمات اس بات سے ظاہر ہوتی ہیں کہ جب ان کے استاد علامہ شبلی نعمانی 1941ء میں انتقال کر گئے، تو سید سلیمان ندوی نے باقی چھ جلدیں مکمل کیں۔ ان کی دیگر خدمات میں “خطبات مدراس” بھی شامل ہیں، جو انہوں نے 1926ء میں مسلم طلبہ کو دین اسلام اور حضرت محمد صلی اللہ علیہ وآلہ وسلم کی سیرت سے روشناس کرانے کے لیے دیے تھے۔ ان خطبات میں “اسوۂ حسنہ” پانچواں خطبہ ہے، جس کا اصل موضوع “سیرت محمدی کی جامعیت” ہے۔

خلاصہ یہ ہے کہ ہر مذہب اپنے پیروکاروں کو خدا کی محبت حاصل کرنے کے لیے اس کے بانی کی نصیحتوں پر عمل کرنے کی ہدایت دیتا ہے، مگر اسلام کی خاص بات یہ ہے کہ اس نے آخری نبی حضرت محمد صلی اللہ علیہ وآلہ وسلم کی زندگی کو عملی نمونہ یعنی اسوۂ حسنہ بنا کر پیش کیا ہے۔ اسوۂ حسنہ قرآن اور سنت رسول ﷺ کا مجموعہ ہے، جس کی پیروی دنیا اور آخرت میں کامیابی کی ضمانت ہے۔ اسلام معاشرے کے ہر فرد کو، چاہے وہ حکمران، سپاہی، تاجر، یا دوست ہو، نسلی، جغرافیائی اور ثقافتی اختلافات سے بالا تر ایک عالمی انسانی برادری کا حصہ بننے کی تعلیم دیتا ہے۔