Ahad e Salateen عہد سلاطین : History of Muslim Rule in India (1526-712)

فتح سندھ سے پہلے برصغیر جنوبی ایشیا کی تاریخ اور جغرافیہ کو سمجھنا بہت ضروری ہے۔ قدیم دور میں اس علاقے کو مختلف ناموں سے جانا جاتا تھا۔ آریاؤں نے اسے “سپتا سندھو” کہا، فارسی میں اسے “ہفتا بندو” کہا گیا، اور بعد میں سکندر اعظم نے اسے “ہند” کہا، جو بعد میں “ہندوستان” کے نام سے معروف ہوا۔ یہاں کے لوگ ہندو کہلائے اور مسلمانوں نے اسے ہندوؤں کی سرزمین یعنی ہندوستان کہا۔ قدیم برصغیر ایک متحدہ ملک نہیں تھا بلکہ مختلف علاقوں میں الگ الگ حکومتیں تھیں۔ پنجاب، سرحد اور سندھ کے علاقے وادی سندھ کہلاتے تھے جبکہ مشرقی علاقوں میں بڑی آریائی ریاستیں قائم تھیں جنہیں “آریہ ورت” کہا جاتا تھا۔

جغرافیہ برصغیر کی تاریخ کو سمجھنے کے لیے بنیادی اہمیت رکھتا ہے۔ یہ خطہ بحر ہند سے جڑا ہوا ایک جزیرہ نما ہے، شمال میں ہمالیہ اور قراقرم کے بلند پہاڑ ہیں جو چین اور وسطی ایشیا سے الگ کرتے ہیں۔ شمال مشرق میں آسام اور قاچار کی پہاڑیاں اور مشرق میں برما ہے۔ جنوب میں بحر ہند اور خلیج بنگال، جبکہ پاکستان کے ساحل کے ساتھ بحیرہ عرب ہے۔ مغرب میں ایران اور افغانستان ہیں، جہاں کوہ ہندوکش اور اہم درے جیسے خیبر، گوئل اور بولان موجود ہیں۔ ان جغرافیائی حالات نے مختلف ادوار میں برصغیر کی تاریخ اور آنے والی نسلوں کے رویوں پر بہت اثر ڈالا