Mutalia Pakistan مطالعہ پاکستان For B.A/B.Sc By Sheikh Muhammad Rafique

پاکستان کو قائم ہوئے نصف صدی گزر چکی ہے، مگر آج بھی اہلِ دانش اس بات پر متفق ہیں کہ ہمارا موجودہ نظامِ تعلیم نہ اسلامی بنیادوں پر قائم ہے، نہ قومی تقاضوں کے مطابق، اور نہ ہی نسلِ نو کی فکری تربیت کے لیے مؤثر ہے۔ اصلاحات کی تجاویز سامنے آتی ہیں مگر اختلافِ رائے، عملی رکاوٹیں اور وسائل کی کمی انہیں عملی شکل اختیار کرنے نہیں دیتیں۔ ایک مضبوط تعلیمی نظام وہی ہوتا ہے جو ایسے افراد تیار کرے جو عزتِ نفس رکھتے ہوں، احساسِ کمتری سے پاک ہوں، قومی ترقی میں حصہ ڈال سکیں اور کسی ذہنی غلامی کا شکار نہ ہوں۔ اس مقصد کے لیے ضروری ہے کہ انہیں اپنی قومی زبان میں تعلیم دی جائے، جدید سائنس و ٹیکنالوجی سے روشناس کرایا جائے اور اپنی تاریخ، ثقافت اور معاشرتی مسائل سے باخبر کیا جائے تاکہ ان کی شخصیت میں اعتماد، ذمہ داری اور حقیقت پسندی پیدا ہو۔